Публикация педагогов гуманитарной кафедры

Лицей кыһата үөрэх-билии эйгэтигэр

Быйылгы үөрэх дьылын тохсунньу ыйыгар А. Е. Мординов аатынан Тааттатааҕы лицей төрүттэммитэ  25 сылын бэлиэтиир. Бу үөрүүлээх тугэни көрсө биһиги гуманитарнай кафедра үлэтин-хамнаһын сырдатыахпытын баҕарабыт.

Гуманитарнай кафедраҕа нуучча уонна саха тылын, литературатын, история, төрүт культура уонна омук тылын учууталлара биир санаанан салайтаран таһаарыылаахтык үлэлии сылдьаллар. Олор истэригэр бааллар: 15 үрдүк категориялаах, 2 Саха сирин үтүөлээх учуутала, 8 Саха сирин үөрэҕин туйгуннара, 3 «Учууталлар учууталлара» бэлиэ хаһаайыттара, 3 Россия үөрэҕириитин Бочуоттаах үлэһиттэрэ, 1 «Педагогическэй династия» бэлиэ хаһаайына, 1 Российскай Федерация Президенын Гранын хаһаайына, 2 педагогическай наука кандидаттара.

Кафедра тэриллэригэр улахан өҥөнү оҥорбут учууталларбытын бүгүн ахтан ааһар тоҕоостоох. Ол курдук Белина Анна Васильевна- Россия үтүөлээх учуутала, Үөрэҕирии туйгуна, Васильева Ираида Игнатьевна — Саха сирин үөрэҕириитин туйгуна, Быллырытова Александра Петровна, Колтовская Светлана Николаевна-  Саха сирин Үтүөлээх учууталлара, Российскай Федерация Президенын Гранын хаһаайыттара.

Кафедра бүгүҥҥү үлэтин-хамнаһын туһунан кэпсииригэр көрдөһүөҕүн Попова Яна Ильиничнаттан — Педагогическай наука кандидатыттан, кафедра сэбиэдиссэйиттэн, омук тылын учууталыттан:

— Яна Ильинична, гуманитарнай кафедраҕа үгэс буолбут тэрээһиннэр тустарынан кэпсиэҥ дуо?

— Үгэс буолбут тэрээһиннэр биһиги лицейбытыгар аҕыйаҕа суохтар. Ол курдук, сылын аайы көхтөөхтүк музыкальнай-литературнай салону нуучча тылын учууталлара иилээн саҕалаан оскуола эрэ иһигэр буолбакка улуус атын оскуолаларын хабан араас темаҕа үрдүк таһымнаахтык ыыталларын бэлиэтиибин. Саха тылын уонна төрүт культуратын учууталлара Тыл күнүн, «Уолан» турниры, сайыны көрсө оскуола оҕолорун ыһыаҕын сыллата солуннук ыыталлар. Омук тылын холбоһуга сааскы сынньалаҥҥа «Лингво-игра» диэн сэргэх оонньууну ыыталлар. История учууталлара «Будущий дипломат» күрэҕин араас таһымҥа ыыталлар. Маны таһынан «Дети мира» бырайыагынан үлэни уонна  политолог кулуубун тэрийэн ыыталлар.

-Олох тэтимнээхтик сайдан иһэр, ону тэҥэ кафедра улэтигэр эмиэ сана суурээннэр, хайысхалар киириэр буолуохтаахтар. Ол туЬунан сырдат эрэ.

-Оннук.  БиЬиги кафедрабыт оло5у кытта тэннэ хардыылыыр, ону кытта сана суурээннэр балысханнык киирэллэр. Ол курдук, хас каникул аайы улууспут оскуолаларын уерэнээччилэригэр предметтэринэн олимпиадаларга, БКЭ бэлэмнээн  УТС (учебно-тренировочные сборы)  ыытабыт. Ону сэргэ кафедрабыт биир улахан «Аартык-Трэвел» диэн бырайыагынан ситимнээхтик улэлиибит.

— Олус учугэй. Үөрэх дьыла түмүктэммитин кэннэ эһиги оҕолорго сайыҥҥы сынньалаҥы  көдьүүстээхтик атааралларыгар туох сэргэх тэрээһиннэри ыытаҕытый?

— Сайыҥҥы да кэмҥэ биһиги учууталларбыт оҕолорбутун кытта сибээстэрин быспаттар. Ол курдук, араас хайысхалаах сайыҥҥы лааҕырдары үлэлэтэллэр: «Умсулҕан», «Hello», «Политолог». Манна оҕолор айар тыл абылаҥар куустараллар, омук тылынан ситимнээхтик саҥарарга, бэйэлэрин санааларын ситэри тобулан этэргэ үөрэнэллэр. Бу ылыммыт билиилэрэ олоххо туһалаах буоларыгар учууталлар дьулуһаллар.

— Хас биирдии оскуола бэйэтин үөрэнээччилэринэн киэн туттар. Эһиги оскуолаҕыт выпускниктара Республикабыт араас муннугар ситиһиилээхтик үлэлии-хамныы сылдьалларын истэбит. Кинилэртэн кими бүгүн ааттыан этэй?

— Кырдьык оннук. 25 сыл устата 24 выпуск, ол эбэтэр 600-тэн тахса оҕону олох киэҥ аартыгар атаардыбыт. Олортон мин бүгүн ааттыахпын баҕарабын биһиги кафедрабытыгар учуутал идэтин талан, тэҥҥэ кэлэн  үлэлии сылдьар выпускниктарбытын: Лидия Петровна Аргунованы (Тимирдяева) — төрүт культура, Анна Николаевна Сыромятникованы — история, Анастасия Юрьевна Тарасенко (Неустроева) — омук тыла, Вера Юрьевна Михайлованы (Сидорова) — история,  Лена Григорьевна Колодезникованы — нуучча тыла, Анна Дмитриевна Винокурованы — омук тыла уонна  Вера Юрьевна Неустроеваны — нуучча тылын учууталлара.

-Яна Ильинична, кырдьык элбэх выпускниктаргыт үөрэммит оскуолаларыгар кэлэн үлэлии сылдьаллара олус кэрэхсэбиллээх. Бу буолар олох ситимэ салҕанара, үөрэппит оҕолоргут эһиги үлэҕитин салгыыллара.

Тааттатааҕы лицей гуманитарнай кафедратын үлэтин-хамнаһын бүгүн кылгастык сырдаттыбыт. Баҕарыаҕын оскуола коллективыгар өссө таһаарыылаах үлэни, үүнэр көлүөнэбитин иитэн-такайан, балысханнык сайда турар олоххо эргиччи сатабыллаах, бэлэмнээх, киэҥ билиилээх, үрдүк сайдыылаах  дьону иитэ туралларыгар!

 

 

Турнина С. Д, Аргунова Л. П., А.Е. Мординов аатынан Тааттатааҕы лицей учууталлара.