А.Е. Мординов уонна П.А. Ойуунускай.

А.Е. Мординов үс эрэ сыл ректордаабыта. Ол кэнниттэн олоҕун тиһэх күннэригэр диэри кафедра сэбиэдиссэйинэн, профессорынан үлэлээбитэ. Кини П.А. Ойуунускайы кытта алтыһан сылдьыбыт кэмнэрин киэн тутта, үөрэ ахтара. учуонайдартан Платон Алексеевиһы кытта үлэлээбит киһи кини эрэ этэ. 1935 сыллаахха билиҥҥи гуманитарнай-чинчийэр институт аһыллыбыта. Платон Алексеевич дириэктэр, Авксентий Егорович учуонай секретарь этэ. Платон Алексеевич сорудаҕынан Карл Маркс , Ф Энгельс, В. И. Ленин, И.В. Сталин үлэлэрин сахалыы тылбаастаабыта. Улахан учуонай, талааннаах суруналыыс, тылбаасчыт ааттааҕа буолбута. Быһаччы Платон Алексеевиһы кытта үлэлээбит кэмнэрэ саамай дьоллоох, улахан таһаарыылаах кэмнэринэн ааттыыра.

Москваҕа үөрэнэ сылдьан, кэргэннэнэн баран, Ойуунускайдарга дьукаах олорбута. Платон Алексеевич араас сорудахтарын быһаччы толороро. үлэлэрин сүбэлэһэн бииргэ оҥороллоро.

Авксентий Егорович литератураны, тылы уонна историяны лаппа дириҥник ырытан билэрэ. Ордук саха суруйааччыларын айымньыларын сиһилии ааҕара.»Нууччалыы билиэххин баҕардаххына классическай айымньылары аах, оттон ол-бу детективтэртэн киһи тыла-өһө сайдыбат», —  диирэ. Нууччалыы, да сахалыы да эриэ-дэхси хайа баҕарар киһи ааҕыан курдук суруйара. Кини тылы лаппа үчүгэйдик туттара